سوزان عطية - الحب كده

22 Sep 21 187 0 0 0 0

الوصف
" الحب كده "
الفنانة : سوزان عطية ..
كلمات : محمود بيرم التونسي ..
الحان : رياض السنباطي ..
#نايس_كويتي ..
كلمات الاغنية :
الحب كده
وصال ودلال ورضا وخصام
اهو من ده وده الحب كده مش عايزه كلام
حبيبي لما يوعدني تبات الدنيا ضحكالي
ولما وصله يسعدني ما افكر فى اللى يجرالي
ينسيني الوجود كله ولا يخطر على بالي
ولما طبعه يتغير وقلبي يبقى متحير
مع الافكار ابات فى نار وفي حيرة تبكيني
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
حبيب قلبي يا قلبي عليه ولو حتى يخاصمني
ويعجبني خضوعي اليه واسامحه وهو ظالمني
وبعد الغيم ما يتبدد وبعد الشوق ما يتجدد
غلاوته فوق غلاوته تزيد ووصله يبقى عندي عيد
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
يا سعده اللى عرف مرة حنان الحب وقساوته
ويا قلبه اللى طول عمره ما داق الحب وحلاوته
تشوفه يضحك وفي قلبه الأنين والنوح
عايش بلا روح وحيد والحب هو الروح
حبيب قلبي وقلبي معاه بحبه فى رضاه وجفاه
اوريه الملام بالعين وقلبي على الرضا ناوي
بيجرح قد ما يجرح ويعطف تاني ويداوي
اهو من ده وده الحب كده مش عايزة كلام
الحب كده
منوعات عربية


التعليقات (0)

ترتيب حسب : الأحدث | الأقدم
شركة تنظيف
حمل تطبيق نايس كويتس
من نحن
ابن الكويت البار وعاشق ترابها وتراثها ترجم حبه العميق لوطنه الغالي من خلال هذا الموقع الذي يحكي للعالم روعه الماضي الاصيل وجمال الحاضر المشرق ويرزع الحب ويرسم البسمه في قلوب كل من يطرب بإغانيها ويشاهد صورها