محمد فوزي - ماما زمانها جابة

24 Sep 19 55 0 0 0 0

الوصف
" ماما زمانها جاية "
الفنان الراحل : محمد فوزي ..
كلمات : فتحي قوره ..
الحان : محمد فوزي ..
١٩٦٥
#نايس_كويتي ..
كلمات الاغنية :
ماما زمانها جايه
جايه بعد شويه
جايبه لعب وحاجات
جايبه معاها شنطه
فيها وزه وبطه
بتقول واك واك واك
عارف الواد اللي اسمه عادل
جا الدكتور وعمله ايه
لقى رجليه كانوا زي البتله
بص شويه جوه عنيه
راح مديله حقنه كبيره
عارف اداله الحقنه ليه
ما بيشربش اللبن الصبح
وكل اصحابه ضحكوا عليه
واهو من يومها شرب وبيكبر
وتربى له عضل في ايديه
ماما زمانها جايه
جايه بعد شويه
جايبه لعب وحاجات
جايبه معاها شنطه
فيها وزه وبطه
بتقول واك واك واك
واحمد برضه ايده مربوطه
ومامته عارف ليه مخاصماه
كان بيحب تملي يلعب
بالكبريت ويشيله معاه
وفي يوم جاب كم عود ولعهم
واخته بوسي كانت شايفاه
راحت النار ملهلبه ايده
لسه ايديه الاتنين واجعاه
اهو من يومها لا بيتعفرت
ولا بيشيل كبريت وياه
ماما زمانها جايه
جايه بعد شويه
جايبه لعب وحاجات
جايبه معاها شنطه
فيها وزه وبطه
بتقول واك واك واك

التعليقات (0)

ترتيب حسب : الأحدث | الأقدم
حمل تطبيق نايس كويتس
من نحن
ابن الكويت البار وعاشق ترابها وتراثها ترجم حبه العميق لوطنه الغالي من خلال هذا الموقع الذي يحكي للعالم روعه الماضي الاصيل وجمال الحاضر المشرق ويرزع الحب ويرسم البسمه في قلوب كل من يطرب بإغانيها ويشاهد صورها