ام كلثوم - سيرة الحب

30 Nov 17 110 0 0 0 0

الوصف
" سيرت الحب "
غناء : ام كلثوم ...
كلمات : مرسى جميل عزيز
الحان : بليغ حمدى
سجلت عام : 1964
كلمات الاغنية :
طول عمري بخاف م الحب وسيرة الحب
وظلم الحب لكل أصحابه
واعرف حكايات مليانة آهات ودموع وأنين

والعاشقين دابوا، ما تابوا
طول عمري بقول، لا أنا قد الشوق وليالي الشوق
ولا قلبي قد عذابه

وقابلتك انت لقيتك بتغيّر كل حياتي
معرفش ازاي حبّيتك معرفش ازاي يا حياتي
من همسة حب لقتني بحب وادوب في الحب
وصبح وليل على بابه

فات من عمري سنين وسنين، شفت كتير وقليل عاشقين
اللي بيشكي حاله لحاله، واللي بيبكي على موّاله
أهل الحب صحيح مساكين!

ياما الحب نده على قلبي، مردِّش قلبي جواب
ياما الشوق حاول يحايلني، واقوله روح يا عذاب
ياما عيون شاغلوني لكن ولا شغلوني
إلا عيونك انت دول بس اللي خدوني وبحبك أمروني
أمروني أحب لقتني بحب وادوب في الحب
وصبح وليل على بابه

ياللي ظلمتوا الحب وقلتوا وعدتوا عليه
قلتوا عليه مش عارف ايه
العيب فيكم، يا فى حبايبكم، أما الحب يا روحي عليه!
في الدنيا مفيش أبداً أبداً أحلى من الحب
نتعب، نغلب، نشتكى منه لكن بنحب

ياسلام ع القلب وتنهيده في وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها ف عين العُشّاق
يا سلام يا سلام على حلاوتها، يا سلام يا سلام
أنا خدنى الحب لقتني بحب وادوب في الحب
وصبح وليل على بابه

ياللي مليت بالحب حياتي، أهدي حياتى إليك
روحي، قلبي، عقلي، حبي، كلّي ملك ايديك
صوتك، نظراتك، همساتك، شئ مش معقول
شئ خلّا الدنيا زهور على طول، وشموع على طول

الله ياحبيبي على حبك وهنايا معاك
الله يا حبيبي يا حبيبي الله الله
ولا دمعة عين جرحت قلبي ولا قولة آه
مبقولش ف حبك غير الله، الله يا حبيبى على حبك الله الله
من كتر الحب لقتني بحب وادوب في الحب
وصبح وليل على بابه
منوعات عربية


التعليقات (0)

ترتيب حسب : الأحدث | الأقدم
حمل تطبيق نايس كويتس
من نحن
ابن الكويت البار وعاشق ترابها وتراثها ترجم حبه العميق لوطنه الغالي من خلال هذا الموقع الذي يحكي للعالم روعه الماضي الاصيل وجمال الحاضر المشرق ويرزع الحب ويرسم البسمه في قلوب كل من يطرب بإغانيها ويشاهد صورها
ابن الكويت البار وعاشق ترابها وتراثها ترجم حبه العميق لوطنه الغالي من خلال هذا الموقع الذي يحكي للعالم روعه الماضي الاصيل وجمال الحاضر المشرق ويرزع الحب ويرسم البسمه في قلوب كل من يطرب بإغانيها ويشاهد صورها
...